Colaboraciones
03 de octubre de 2008
PSN-PSOEren zinismoa, agerian.
Joseba Otano Villanueva.
OFIZIALTASUNAREN BIDEAN, EREMU MISTOA ZABALTZEAREN ALDE.
Administrazioan Euskaraz taldeak Nafarroako eremu mistoa zabaltzearen inguruan bere iritzia eman nahi du, PSOEren jarrera aldaketa gertatu eta gero.
LEHENENGOA.- PSN-PSOEk garbi utzi du euskarari eta euskaldunoi jarri ziguten horma iraganezina bere horretan mantendu nahi duela. Hau da, arrakalarik ez duela onartzen.
BIGARRENA.- PSN-PSOEren zinismo eta hipokresia agerian geratu da. Ikerketa soziolinguistikoen beharra aipatu du, horrelako bat egina dagoenean. Udalen aldeko akordioak eskatu ditu, aurretik horrelakoak arbuiatu dituenean (Ilunberriko eta Zangozako Udalenak).
HIRUGARRENA.- Ongi legoke eremu ez euskalduneko Udalen aldetik erantzuna izatea, eremua aldatzearen alde (ez bada Legea bere muinean aldatzen). Pasibotasuna eta egiten uztea beti txarra da. Adibidez, Galarko eta Arangurengo Udalak ez dirudi oso fin ibili direnik, bidegurutze honetan. Ematen du ez direla konturatu bere herritarren hizkuntz aukera jokoan zegoenik. Noiz emanen diote behar bezalako erantzuna PSN-PSOEri?
LAUGARRENA.- Eremu “ez euskaldunean” euskarazko irakaskuntza publikoa zabaldu nahi bada, ezinbestean gurasoek antolatu beharra daukate. Noiz lortuko da mugimendu indartsu bat? Noiz izanen da mugimendu horren hasiera? Pasibotasunak UPN, CDN eta PSN-PSOEren alde jokatzen du. Garaia da, beraz, ohiturak aldatzeko.
Iruñean, 2008.go irailaren 29an.
ADMINISTRAZIOAN EUSKARAZ TALDEA. Identifikazio Fiskalerako Kodea: G31836323.
Ordezkaria: ANGEL MARIA LAKUNTZA AZTIRIA. Estatuko Nortasun Agiria: 72.615.054. Helbidea: Tutera kalea, 16 – 7 ezkerra (Iruñea).
AET
Administrazioan Euskaraz
Taldea.
Comentarios :
Barraskilo
2008/10/05 22.17h
Nik uste dut Ley del Vascuencearen inguruko eztabaida, Nafarroa Garaiko parlamentuko politikariek kokatu nahi duten terminoetan kokatu beharrean( hau da, zonalde mistoa 4 herri gehiagotara zabaldu edo ez), euskararen normalizaziora iristeko egon beharko lukeen erroko aldaketa terminoetan kokatu beharko genukeela. Ley del Vascuence-k ez du euskararen normalizazioa helburu, euskarari mugak jartzea baizik. Euskarari jarri beharreko mugei buruz hitzegiten ari dira beraz parlamentuan, eta eztabaida antzu horren aurrean gure erantzuna izan behar du: ez Ley del vascuenceari!!! bai euskararen normalizazioari!!! bai euskaldunon hizkuntza eskubideen bermeari!!!! bai ofizialtasunari!!! Euskarak aldaketa behar du euskararen normalizazio bidean, baina aldaketa ez da etorriko Ley del Vascuencearen garapenetik; aldaketa etorriko da euskaldunok nahi dugun hizkuntza politika diseinatu eta erabakitzeko ahalmena lortzetik, hizkuntza burujabetzatik, espainiar zein frantses konstituzioetatik eratortzen diren hizkuntza politiken menpekotasunik gabe, euskararen herria izanik euskararen muga bakarra . Bien bitartean, gure auzoa, Iruñea, Iruñerria, Nafarroa Garaia, Euskal Herria berreuskalduntzen jarraitu beharko dugu, Nafarroa Garaiko gobernuaren Ley del Vascuence, Euskarabidea, Euskara Kontseilua.....etab. bezalako iruzurrei ere aurre eginez. Gora euskararen aldeko borroka!!!! Gora Euskal Herri euskalduna!!!
Si no ves aquí un comentario que hayas hecho recientemente es porque está en curso de moderación
Escribir un comentario :
En Nabarreria.com puedes expresar tu opinión sobre todas las noticias, y aquí aparecerán todos los comentarios que envíes.
La sección está moderada, y los textos no se publican directamente, con el fin de poder ser supervisados en la redacción. Nabarreria.com se reserva el derecho a rechazar aquellos comentarios que no guarden unas mínimas normas de respeto hacia los demás.