Mikel Onsalo Lezea, 13 urtekoa, eta Leitzako Amazabal Institutuan DBH 2. mailako ikasleak irabazi du Euskara Kultur Elkargoa eta Pamiela Argitaletxeak antolatzen duten aurtengo II Mikro Ipuin Lehiaketa. Ipuinak “Udazkena” du izenburua eta Intze  goitizena jarri zion egileak. Kirmen Uribe idazleak Leitzako Amazabal Institutuan egonen da sari banaketaren egunean.

Lehendabiziko sariaz gain, Sariketaren Epaimahaia osatzen duten lau adituek beste lau ohorezko aipamen bereziak eman zituzten:

. “Txikipuin”, Iruñeko San Frantzisko Ikastetxea, Ulises Domets Villar, LH 6. maila (Aquiles)

.”Abarkak” Patricia Vicente , 13 urte Leitzako Amazabal Institutua, 2.A. DBH (Patxintxi Paiz)

. “Non ote zegoen?” Javier Armijo, Atarrabiako Paz  Ziganda Ikastola DBH 3. maila (Harea Erlojuari Irakasleak Egina.)

. “Nire Lilia”, Judit Saizar, Leitzako Amazabal Institutua, 3. DBH (Kulpita)

Onartutako lan guztien artean, azkeneko aukeraketara heldu ziren beste mikro ipuinak hauek izan ziren finalistak:

“Deabruak langabezian”, Mikel Jimenez Vicente, Zentronikoko IES La Paz,  12 urte  (Gorriti)

“Hitz Kontatzailea” Jon Barandiaran Ziordia, LH 6. maila Iruñeko San Frantzisko Ikastetxea (Rino)

“Nire bizitza”, Pello Lasa Apezetxea , Iruñeko San Frantzisko Ikastetxea, LH 6. maila, (Zapin)

“Munduko ipuinik luzeena”, Ander Barandiaran Ziordia Iruñeko San Frantzisko Ikastetxea, 6.LH (Patxi Potxi)

“Azken solairua”, Xabier Olaz, Atarrabiako Paz  de Ziganda Ikastola, DBH 4, 15 urte (Xepe)

“Ate misteriotsua”, Ruben Jimenez Etxarri, Iruñeko Eunate Institutua, DBH 1 (Feuili)

Epaimahaia osatzen duten kideek (Alberto Barandiaran, idazle eta kazetaria; Inma Errea, idazle eta itzultzailea; Joxe Migel Bidador, idazle eta literatura irakaslea eta Migel Asiain, literatura irakaslea ere bai) lanen kalitatea azpimarratzen dute aktan : “iaz baino handiagoa eta nabarmena asmo literarioetan, egituretan eta hizkuntza ere oso ongi landua”, esaten dute.

Bestalde, aurtengo II edizio honetan izandako partehartze handia aipatzen dute, 359 lanak aurkeztu baitira, eta Nafarroa osoko ikastetxeetatik, eremu euskalduna, misto baita eremu ez euskaldunetik, Irunberri, Tutera eta Zentronikotik hain zuzen ere.

Kirmen Uribe eta sari banaketa, otsailean

Lehiaketaren oinarrietan datorren bezala, Saridunek diploma eta liburu sorta bat jasoko dute, eta Kirmen Uribe idazlearen bisita ikasten duen ikastetxera izanen da sari nagusia.  Idazleak Otsaileko hirugarren astean joanen da Leitzako Amazabal Institutura eta bertan sari banaketa burutuko da.

Mikro ipuinen Lehiaketaren lehendabiziko edizioa, 2006ko irailean ta urrian burutu zen Euskal Liburugintza erakusketaren barnean. Ikastetxeen ikasleentzako zuzendu zen lehiaketa eta, irakasleek bideratuta, oso harrera ona izan du bere lehenengo edizioan. 110 testu jaso genituen gure ekimen honetan, denak Iruña eta Nafarroako zenbait herritako ikastetxeetatik bidaliak, Lehen Hezkuntza, DBH eta Batxilergokoak.

“Nire etxeko ataria” izeneko idazlanarekin, Amaia Aierdi Mariñelarenak irabazi zuen I. Mikro ipuinen lehiaketa. Amaia Aierdik 13 urte zituen eta DBHko 2. maila ikasten zuen Iruñeko Jaso Ikastolan. Bertan, Bernardo Atxaga idazlearen bisita eta hitzaldia jaso zuten irabazleak eta bere ikaskideek. (Ikusi testua eta argazkiak)

Bestalde, EKEk lehiaketara aurkezten diren idazleen irakasleen lanaren garrantzia azpimarratu nahi du, «haien kolaborazioa eta bitartekaritzari esker (testuak idazteko, aukeratzeko eta bidaltzeko) gure ekimena ezin baita gauzatu».