Udalbiltzaren auzia dela eta atzo, arratsaldeko 8etan, Iruñeako Udal plazan kontzentrazioa burutu zuten hautetsi eta hautetsi ohien partehartzearekin. Bertan gizarteari zuzendutako manifestua irakurri zuten, non Udalbiltzak bizi izan dituen une gogorrak gogoarazi zituzten. 

Izan ere, atzo bost urte betetzen ziren Udalbiltzaren kontrako erasoa gertatu zenetik. 2003ko apirilaren 29an Madrileko Auzitegi Nazionalaren aginduz polizia nazionala Udalbiltzak Iruñean, Astigarragan eta Bilbo zituen egoitzetan sartu zen, materiala eta ordenagailuak eramanez.  Ondoren 13 pertsona atsilotu zituzten baita espetxeratu ere.

Hemendik gutxira sumarioa hasiko da, bertan 22 pertsona daude inputatuta eta zigor eskaerak 10 urtetik 23 urtetara iristen dira. 

Udalbiltzako printzipioak

 
Euskal Herria nazio gisa aldarrikatzea, bai Euskal Herrian bai nazioartean.

Beronen egituraketa politikoa eraikitzen laguntzea.

Nazio eraikuntza bultzatzea.

Eta udalerrien arteko harremanak eraikitzen laguntzea hizkuntzaren, kulturaren, kirolaren, ingurumenaren, lurralde antolaketaren, ekonomiaren garapenaren eta ongizatearen alorrean besteak beste.
Auzipetuei bere elkartasuna eta berotasuna erakutsi nahi izan zieten atzo udal plazan bildutakoek.